Törek hawa yulları taşlamalı biletlar sata

32 oçış noqtasına 119 dollardan başlanuçı bäyägä oçıp bulaçaq

1882314
Törek hawa yulları taşlamalı biletlar sata

Törek hawa yulları belän İstanbuldan Balkannar häm Kön’yaq Awrupadağı 32 oçış noqtasına 119 dollardan başlanuçı bäyägä oçıp bulaçaq.

Şirkätneñ matbuğat ofisınnan yasalğan belderüdä äytelgänçä, bu taşlamalar çikle külämdäge urınnar öçen ğamäldä. Annan faydalanu öçen İstanbuldan 1nçe noyabr’dän başlap kiläse yılnıñ 3nçe martına qadär bulaçaq oçışlarnıñ biletın 20nçe-30nçı sentyabr’ könnärendä satıp alırğa kiräk.

Belderüdä äytelgänçä, barısı da kergän häm baru-qaytu 119 dollardan başlanuçı bäyälär Törek hawa yullarınıñ räsmi veb säxifäsendä ğamäldä. Kampaniyädän faydalanırğa teläwçelär www.turkishairlines.com säxifäsenä kerep yäisä 444 0 849 nomerına şaltıratıp mäğ’lümat alırğa mömkin.



Bäyläneşle xäbärlär