Awrupa Rusiyä kümerenä sankśiyälärne ciñeläytte

Awrupa Berlege aşa başqa däwlätlärgä kümer cibärü röxsät itelä

1882813
Awrupa Rusiyä kümerenä sankśiyälärne ciñeläytte

Awrupa Berlege Rusiyäneñ kümerenä sankśiyälärne ciñeläytte. Yaña kürsätmädä çikläwlärneñ başqa illärdäge azıq-tölek häm ênergetika qurqınıçsızlığına täêsir itüenä yul quyılmaçağı belderelä.

Sankśiyä isemlegendä urın alğan qayber tovarlarnıñ öçençe däwlätlärgä transferına röxsät iteläçäk. Yäğ’ni aşlama, xaywan azığı, utın, śement, kümer häm monıñ belän bäyle başqa êşlänmälär Awrupa Berlege şirkätläre tarafınnan yäisä Awrupa Berlege aşa tranzit uzıp başqa illärgä cibärelä ala.

Awrupa Berlege aprel’ ayında Rusiyädän kümer satıp alu, importlaw yäisä kiterüne tıyğan 5nçe paket sankśiyälärne qabul itkän ide. Ul avgust ayında ğamälgä kerde.    

Awrupa Berlege komissiyäseneñ monnan êlekkege kürsätmälärendä Awrupa şirkätläreneñ kümer şikelle tovarlarnı Rusiyädän başqa illärgä cibärüdä dä qatnaşmayaçağı äytelgän ide.



Bäyläneşle xäbärlär