Rusiyä aşlıq êksportın kimetergä mömkin

Rusiyä awıl xucalığı ministrı Dmitriy Patruşev bıyıl urıp-cıyuda qayber qıyınlıqlar çığuın belderde

1864286
Rusiyä aşlıq êksportın kimetergä mömkin

Rusiyä awıl xucalığı ministrı Dmitriy Patruşev bıyılğa planlaştırılğan 130 million tonna aşlıq urıp-cıyu maqsatına ireşä almayaçaqların belderde. Bu säbäple aşlıq êksportın kimetergä mäcbür bulaçaqlar.  

Patruşev awıl-xucalığı tarmağında qullanıluçı qayber texnikanı çittän satıp aluda problemalar kilep çığuın da äytte. Ul älege qıyınlıqlarnıñ urıp-cıyu êşçänlegenä täêsir itüenä basım yasadı.  

“Bolar barısı 130 million tonnalıq aşlıq urıp-cıyu maqsatına ayaq çalırğa mömkin,”-di ministr. Ul maqsatqa ireşmägän oçraqta da êçke bazarda bernindi täêminat probleması bulmayacağın belderde.

“Tik 50 million tonna aşlıq êksportlaw planıbıznı küzdän kiçerü kiräk. Bu xäl global’ aşlıq bazarına tiskäre yoğıntı yasarğa mömkin,”-dip söyläde Patruşev.

Dön’yadağı aşlıq êksportınıñ yaqınça 20%ı Rusiyägä turı kilä.



Bäyläneşle xäbärlär