Aziyäneñ iñ bay xatın-qız yartı mölkäten yuğalttı
Küçemsez milek tarmağındağı krizis iñ östägelärne dä ayamıy
Aziyäneñ iñ bay xatın-qızı uzğan yıl mal-mölkäteneñ yartısınnan artığın yuğalttı.
İq’tisad kanalı Bloombergnıñ milliarderlar indeksına qarağanda, Qıtaynıñ iñ zur küçemsez milek tözüçese Kantri Garden oyışmasınıñ majoritar akśionerı Yan Xuêyyan’nıñ kereme 52%qa kimede. Anıñ baylığı 23,7 milliard dollardan 11,3 milliard dollarğa töşte.
Monıñ säbäbe - Kantri Garden şirkäteneñ aqça tabu öçen yaña akśiyälär satacağı turında belderüe bula. Älege xäbärdän soñ Yannıñ akśiyäläre bäyäse 15%qa töşä.
Êlita öçen toraq tözüçe Kantri Garden şirkätenä nigez salğan Yan Gośyan akśiyälären 2005nçe yılda qızına birä.
Yan Xuêyyan’ äle haman Aziyäneñ iñ bay xatın-qızı isemen yörtä, ämma artınnan kilüçelär belän arası şaqtıy qısqardı.
Bäyläneşle xäbärlär
Törkiyäneñ äkäm - tökäm êksportı
Bıyılnıñ berençe 8 ayındağı êksport il iq'tisadına 11 million 625 meñ 609 dollar tabış kiterde
