"Bez tügel, Rusiyä ğayeple"

Djozef Borrell Rusiyäneñ belä torıp dön’yaküläm açlıqnı tiränäytüen, ğayepne isä başqalar östenä awdaruın söyläde

1846143
"Bez tügel, Rusiyä ğayeple"

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell Rusiyäneñ belä torıp dön’yaküläm açlıqnı tiränäytüen häm moña sankśiyälär ğayeple digän qaraşnı taratırğa tırışuın söyläde. Ul Ukrainanıñ êksportın kirtäläwçeneñ Awrupa Berlege tügel, Rusiyä ikänen assızıqladı.

“Portlarğa, azıq zapaslarına häm transport asqormasına bez tügel, Rusiyä zarar birä,”-dide Borrell. Anıñça, Rusiyä monı dön’yada açlıq kiterep çığaru öçen êşli. Östäwenä, Mäskäw idaräse ğamälläreneñ näticäläre öçen Awrupa Berlegeneñ sankśiyäläre ğayeple dip propaganda alıp bara.   

Borrell Awrupa Berlege komissiyäsennän Afrika däwlätläreneñ tışqı êşlär ministrları, barlıq finans häm iqtisadi aktyerlarğa bu wäzğıyät’ne añlatuçı xat cibärüen soradı. Anda azıq-tölek häm aşlamalarnıñ sankśiyä säyäsäte tışında qaluı beldereläçäk.

Yuğarı wäkil Saxel töbägendäge açlıqnı beterü öçen 1 milliard yevro bülep birülären dä äytte.



Bäyläneşle xäbärlär