“Qara diñgez gazı 2023tä qullanıla başlanaçaq"
Qara diñgez tabiğıy gazı 2023nçe yılda qullanuğa täq’dim iteläçäk
Fuat Oktay, İlbaşı urınbasarı:
"Härber watandaşıbız monıñ 2023neñ berençe çiregendä Qara diñgezdä çığarılğan gaznıñ
üz aş bülmälärendä açqan çaqta yandıraçaq gazğa äylänäçäk söyeneçen tağın ber qat citkerergä telim".
Filyos tabiğıy gaz êşkärtü qorılmasında êşçänlek 24 säğät tuqtawsız däwam itä. Tabiğıy gaznıñ 2023tä iq’tisadqa qazandırıluı maqsat itelä.
Qara diñgezdä tabılğan tabiğıy gaznı ciröstenä çığaraçaq ütkärgeçtä häm êşkärtü qorılmasında ber ük waqıtta alğarış yasala.
Fatih Dönmäz, Ênergetika häm tabiğıy çığanaqlar ministrı:
“Bu gaznı bez cömhüriyätebezneñ 100 yıllığında berence çirektä xalqıbız belän oçraştırırğa telibez. Xäzerge waqıtta ciröstendä häm diñgezdä 4 meñ 200 êşläwçebez bar. Bu barı tik Törkiyäneñ genä tügel, bu ölkädä tözeleşe däwam itkän dönyanıñ da iñ zur isäple proyıktlarınnan berse."
Gaznı diñgez astından qudıraçaq 170 çaqrımlıq ütkärgeç bar. Berençe torbalar 10nçı iyün’dä yar buyınnan salına başlanaçaq. 3 meñ 500 akrlıq mäydandağı Filyos tabiğıy gaz êşkärtü qorılmasına barıp citäçäk tabiğıy gaz qullanırlıq xälgä kitereläçäk.
Şul uq waqıtta Qara diñgezdä 7 skvajinada êşlär betkän bulsa, 4 qoyı isä açılu êtabında.
Skvajinalar tämamlanğannan soñ krannar töp qudıru çeltärenä totaştırılaçaq häm tabiğıy gaz torbalardan ciröstenä barıp citäçäk.
