Greśiyä yäşerep Rusiyä neften taşıy
Greśiyä tankerları Rusiyä nefteneñ 63%ın transportlawnı täêmin itä
Awrupa Berlegeneñ Rusiyä neftenä qarata êmbargo söyläşüläre barğanda, Greśiyä tankerları rus qara altınınıñ töp taşuçısına äwerelde.
Xalıqara finans institutı baş iq’tisadçısı Robin Bruks urtaqlaşqan mäğ’lümatlarğa qarağanda, Greśiyä tankerları Rusiyä nefteneñ 63%ın transportlawnı täêmin itä. Ul sośial’ mediada bolay dip yazdı: “Rusiyä niçek bu qadär zur külämdä profiśit barlıqqa kiterä? Rusiyädän çığuçı neft’ tankerı sannarına qarağanda, monı Greśiyä korabları tormışqa aşıra. Başqa däwlätlär isä bu waqıtta Rusiyägä qarşı êmbargonı kübäytep mömkinleklären kimetä”.
“Primary Vision Network”nıñ analitigı Mark Rossano da Rusiyädän Greśiyägä neft’ ağımında artu buluın belderde. “Töbäktä Rusiyä korabtan korabqa transfer yasaw öçen ışıq bularaq qullanırday bik küp bäxäsle sular bar. Bu neft’ çimalınıñ kübeseneñ Süäyeş kanalı aşa Aziyägä, bigräk tä Hindstan häm Qıtayğa kitüen küräbez,”-di belgeç.
