Rusiyä Finlyandiyägä tabiğıy gaz cibärmi başladı

Rusiyä ênergetika şirkäte Gazprom Finlyandiyägä tabiğıy gaz cibärüne tulısınça tuqtatuın belderde. Säbäbe - yağulıq öçen rubl’ belän tülämäwläre.

Gazpromnan yasalğan belderüdä 1nçe aprel’dän başlap Rusiyä gazı öçen tüläwlärneñ rubl’ belän yasaluı zarurlığı assızıqlana. Bu şart ütälmäwe öçen Finlyandiyäneñ tabiğıy gaz şirkäte Gasumğa zäñgär yağulıq cibärü tuqtatılğan.

Gazprom uzğan yıl Finlyandiyä qullanğan tabiğıy gaznıñ yaqınça 70%ın täêmin itkän ide.

Gasumnan yasalğan belderüdä isä zäñgär yağulıqnıñ bügen özeläçäge häm şirkätneñ bu xälgä äzer buluı citkerelä.

Rusiyäneñ iñ zur êlektr citeşterü kompaniyäse İnter RAO da uzğan atnada tüläw almawı säbäple Finlyandiyägä monnan soñ êlektr ênergiyäse cibärmäyäçägen belderde.