Yaponiyä Ukrainağa kredit birä

Yaponiyä Rusiyä höcümnärennän soñ iq’tisadi krizis kiçerüçe Ukrainağa 13 milliard iyen (100 million dollar) kredit täêmin itüçe kileşüne imzaladı.

Yaponiyä xalıqara xezmättäşlek agentlığı räise Tanaka Akixiko belän Ukraina finans ministrı Sergey Marçenko onlayn söyläşü ütkärde. Anda kredit kileşüe dä imzalandı.

Söyläşü barışında Tanaka höcümnär häm gumanitar krizisnı “xalıqara tärtip qarşına bu ğasırda çıqqan iñ zur problema” bularaq bäyäläde.  

Marçenko kileşü öçen räxmäten citkerde. Ul bik küp ukrainalınıñ barı illäreneñ bäysezlege genä tügel, Awrupanıñ iminlege öçen dä köräşüen äytte.