Yaponiyä Rusiyädän neft' alunı tıyaçaq

İl iq'tisadi sankśiyälär qısasına neft’ importın tıyunı da östärgä planlaştıra

1824494
Yaponiyä Rusiyädän neft' alunı tıyaçaq

Yaponiyä xökümäte Ukrainada baruçı suğış säbäple Rusiyägä qarata kertelgän iq’tisadi sankśiyälär qısasına neft’ importın tıyunı da östärgä planlaştıra.

İlneñ xökümät räise Kişida Fumio matbuğat cıyılışında G7 belän “teläktäşlek” maqsatınnan prinśipial’ bularaq Rusiyädän neft’ satıp alunı tıyaçaqların belderde. “Bu ğayät’ awır qarar, tik xäzerge waqıtta ähämiyätlese G7 berdämlege,”-di ul.

Fumio Rusiyäneñ Yıraq Könçığış töbäklärendäge neft’ häm gaz proyektlarında Yaponiyäneñ mänfäğat’lären saqlayaçaqların äytte. Saxalin-1 häm Saxalin-2 proyektların ul “Yaponiyäneñ ênergetika iminlege öçen tormışçan ähämiyätkä iyä” dip bäyäli.

Xökümät räise Rusiyädän neft’ satıp alunı êtaplap tuqtaçaqların citkerde.

“Xalıqqa häm êşmäkärlekkä naçar yoğıntısın iñ az külämgä qadär töşerü niyäte belän êtaplap tuqtataçaqbız, tik proyektlarda üz mänfäğat’lärebezne saqlaw planıbız däwam itä,”-dide Kişida Fumio.



Bäyläneşle xäbärlär