Törkiyäneñ turizm kereme berençe çirektä artqan

Törkiyä statistika oyışması bıyılğı ğıynwar-mart çorına qarağan turizm statistikasın açıqladı.

Açıqlanğan sannarğa kürä, turizm kereme uzğan yılnıñ şuşı uq çiregenä qarağanda 122,4%qa artıp, 5 milliard 454 million 488 meñ dollar buldı.

Turizm keremeneñ (kesä telefonı xäräkäte häm marina xezmät kürsätü çığımnarınnan tış) 76,5% çit il keşelärennän, 23,5% isä çit illärdä yäşäwçe watandaşlarnıñ säyäxätennän alındı.

Telgä alınğan şuşı çorda yasalğan çığımnarnıñ 4 milliard 852 million 137 meñ dolların şäxsi çığımnar, 602 million 350 meñ dolların isä paket tur çığımnarı täşkil itte.

Şuşı çorda çit il keşeläreneñ 52,1%ı iñ küp "gizü, küñel açu, sport häm mädäniyät çaraları” öçen Törkiyägä kilgän. Törkiyägä kilü maqsatları arasında 24% belän "tuğan-tumaça häm iptäşlär belän küreşü", öçençe urında isä 10,1% belän “säwdä, alış-bireş" buldı.