Törkiyä 3 ayda 42 ilgä bal sattı
Annan 11 million 302 meň 715 dollar tabış aldı
1812978
Könçığış Qara diňgez êksportçıları assośiaśiyäse mäğ’lümatlarına qarağanda, Törkiyä bıyılnıň berençe kvartalında 42 ilgä 4 meň 421 tonna bal sattı.
Bu êksport il iq’tisadına 11 million 302 meň 715 dollar tabış kiterde.
Älege kürsätkeç uzğan yılnıň şul uq çorı belän çağıştırğanda küläm yağınnan 162%qa, qıymmät yağınnan 79% qa kübräk.
Bal êksportına berençe urında Amerika Quşma Ştatları tora. Şulay uq Germaniya, İspaniya, İzrail hӓm Pol’şa da iň küp bal satıp alğan illӓr buldı.
Törkiyӓ bıyılnıň berençe çiregendӓ , uzğan yılnıň şul uq dӓwerennӓn ayırmalı bularaq , İzrail, Pol’şa, Kanada, Slovakiya, Bosniya - Gerśegovina, Kosovo, Sloveniya, Livan, Yӓmӓn, Ğıyraq, Şveyśariya, Mavritaniya ,Bangladeş, Kabo-Verde hӓm Tayvan’ğa da bal cibӓrde.
