Mask Twitternı tulısınça satıp almaqçı

Êşmäkär sośial’ çeltär öçen 41 milliard dollar täq'dim itte

1812446
Mask Twitternı tulısınça satıp almaqçı

Amerikanıñ êlektrlı avtomobil’ çığaruçısı Teslanıñ yuğarı idaräçese İlon Mask Twitternı tulısınça satıp alu öçen 41 milliard dollar täq’dim itte. Monnan alda ul sośial’ çeltärneñ 9,2% akśiyälären satıp alğan ide.

Mask Amerika qıymmätle qäğaz’lär häm birja komissiyäsenä yasağan belderüendä tulayım Twitternı alu öçen här akśiyägä 54,2 dollar täq’dim itüen citkerde. Şulay itep, şirkätneñ qıymmäte yaqınça 41 milliard dollarğa turı kilä.   

Älege yañalıqtan soñ Twitter akśiyäläre seanstan aldağı satularda 12%qa arttı.  

Dön’yadağı iñ bay keşe İlon Mask Twitter idarä şurası citäkçese Bret Taylorğa yazğan xatında şirkätneñ, bügenge xäldä qalsa, üsmäyäçägen añlawın belderä. “Twitternıñ şäxsi şirkätkä äwerelüe kiräk,”-di ul.  

Mask üzeneñ satıp alu täq’dimen iñ yaxşı häm soñğı täq’dim bularaq citkerä. “Qabul itelmäsä, miña Twitternıñ akśionerı bularaq poziśiyämne qabat küzdän kiçerergä turı kiläçäk,”-di êşmäkär.  

Twitternı aktiv räweştä qullanuçı Masknıñ platformada 80 millionnan artıq yazıluçısı bar. Anıñ xäzerge waqıttağı mölkäte 260 milliard dollardan artıq.



Bäyläneşle xäbärlär