Törkiyäneñ bal êksportı ni xäldä?

Törkiyä bıyılnıñ 2 ayında 36 ilgä bal sattı häm annan 7  million 131 meñ 895  dollar tabış aldı

1800089
Törkiyäneñ bal êksportı ni xäldä?

Törkiyä bıyılnıñ 2 ayında 36 ilgä bal sattı.

Könçığış Qara diñgez êksportçılar assośiyaśiyäseneñ idarä şurası başlıq urınbasarı Äxmät Xamdi Gürdoğan Törkiyäneñ ağımdağı yılnıñ ğıynwar – fevral’ aylarında çit illärgä 2 meñ 844  tonna bal cibärüen häm annan 7  million 131 meñ 895  dollar tabış aluın belderde.

”Törkiyä 2 ayda 36 ilgä bal êksportladı. Amerika Quşma Ştatları, İspaniya häm Germaiya  iñ küp bal satıp alğan illär buldı. AQŞqa 1 million 651 meñ 807 dollar, İspaniyägä 1 million 463 meñ 621 dollar, Germaniyägä 990 meñ 454 dollar külämendä bal cibärdek” dide Gürdoğan.

Könçığış Qara diñgez êksportçılar assośiyaśiyäseneñ idarä şurası başlıq urınbasarı  Äxmät Xamdi Gürdoğan bıyılnıñ ğıynwar - fevral’ aylarında , uzğan yılnıñ şul uq çorınnan ayırmalı bularaq,İzrail, Pol’şa, Bosniya - Gerśegovina, Kosovo, Slovakiya, Livan, Yämän, Ğıyraq, Tön’yaq Kipr Törek Cömhüriyäte, Singapur, Mavritaniya, Franśiya, Şveyśariya, Bangladeş, Kabo - Verde, Tön’yaq Makedoniya häm Tayvan’ga da bal satılğanın iskärtte.



Bäyläneşle xäbärlär