Qanunsız neft' êşkärtü urınnarı yuqqa çığarıldı

Afrika qıytğasında qara altın häm tabiğıy gazğa bay Nigeriyada qanunsız êşçänlek alıp baruçı 175 neft’ êşkärtü ob’yektı yuqqa çığarıldı.

İlneñ diñgez quätläre Könçığış regionı komandirı Sanusi İbrahim neft’ yatmaları bulğan Rivers häm Del’ta töbäklärendä operaśiyälär oyıştırıluın belderde. Anda 175 neft’ êşkärtü ob’yektı yuqqa çığarıla häm 27 korab êläkterelä. İbrahim köymälärneñ qanunsız yağulıq alu, neft’ urlaw häm başqa diñgezçelek cinayät’lärendä ğayeplänep totqarlanuın belderde.

Nigeriyä xökümäte neft’ qaraqlarınıñ här yıl 4 milliard dollar külämendä zarar kiterüen citkergän ide. İldä qara altın rezervları yaqınça 37 milliard barrel’ bularaq isäplänä. Ul dön’yadağı neft’ zapaslarınıñ 3,1%ına iyä.

Nigeriya neft’ çimalı çığaruda dön’yadağı aldınğı 15 däwlät arasında. Ul, şulay uq, iñ küp qara altın yatmalarına iyä 8nçe il. Ä neft’ êksportında 6nçı urında.  

Nigeriyäneñ neft’ yatmaları bulğan Rivers häm Del’ta töbäklärendä kön sayın 1,5 million barel’dän artıq çimal çığarıla ala. Tik qorallı törkemnärneñ sabotajları, bäreleşlär häm keşe urlaw şikelle waqıyğalar säbäple kimendä 500 meñ barrel’lek mäydan qullanıla almıy.