Hindstan Törkiyädän tonna-tonna alma ala
Törkiyäneñ alma êksportı uzğan yıl bik nıq üste
Törkiyä uzğan yıl 80 ilgä 180 million dollarlıq alma sattı.
Törkiyä êksportçılar mäclese mäğ’lümatlarına qarağanda, 2020nçe yılda 110 million 340 meñ 968 dollarlıq alma çit illärgä satılğan. Uzğan yıl kürsätkeç 63,17%qa arta.
Könbatış Urta diñgez êksportçılar berlege idaräse räise Ümit Mirza Çavuşoğlu äytkänçä, ciläk-cimeş häm yäşelçä êksportı soñğı 2 yılda artqan. Alma – iñ küp satılğannar arasında.
Aldağı yıllarda almanı kübräk Rusiyä satıp alğan, tik 2021dä ul ikençe urınğa töşä. Berençegä – Hindstan urnaşa.
“Hindstanğa yaqınça 3 yıl êksport yasıybız, aña qadär hiç satmadıq häm älege il bik citdi räweştä alma ala. Bu êksportta Hindstan Törkiyägä ähämiyätle urın birä,”-dip söyli Ümit Mirza Çavuşoğlu.
Hindstan häm Rusiyädän soñ, Törkiyädän iñ küp alma aluçı illär Liviya häm Ğıyraq.
