Törkiyäneñ qoyaş ênergiyası küäte
Törkiyäneñ qoyaş ênergiyası küäte 8 yılda 40 megawattan 7 meñ 816 megawattqa citte
Törkiyä soñğı yıllarda ênergiya ixtıyacın “çista ênergiya” dip yörtelüçe yañartıla alınğan ênergiya çığanaqlarınnan qanäğätländerü häm ênergetikada çitkä bäylelekne azaytu êşçänlegen arttırdı.
Törkiyä ênergetika häm tabiğıy çığanaqlar ministrlığı mäğ’lümatlärenä kürä, Törkiyäneñ qoyaş ênergiyasınnan ênergiya êşläp çığaruı 2014nçe yılda 40 megawatt küät köçe belän başlandı.
Yärdämnärneñ yoğıntısı belän dä här yıl üskän küät köçe 2015nçe yılda 249, 2016nçı yılda 833 megawattqa citte.
İñ küp artış bulğan 2017nçe yılda isä annan aldağı yılğa qarağanda yaqınça 311%lıq artu belän 3 meñ 421 megawattqa kütärelde.
Uzğan yılda isä ber meñ 149 megawattlıq yaña qoyaş stanśiyası çeltärgä kertelde.
Bu räweşle ilneñ qoyaş ênergiyası küät köçe 7 meñ 816 megawattqa citte.
