Germaniya qoral satuda rekord quydı

Germaniyäneñ bıyıl qoral häm xärbi cihaz satudan kilgän kereme 9 milliard yevronı uzuı açıqlandı.

Nemeś xäbär agentlığı yazğança, ilneñ iq’tisad ministrlığı sulçı partiyäneñ sorawına cawap itep älege sannarnı kiterä. Ministrlıq bıyıl yaqınça 9 milliard 40 million yevrolıq qoral häm xärbi kiräk-yaraq satuğa röxsät birüen belderä. Monnan aldağı rekord 2019nçı yılda – 8 milliard 20 million yevro ide.  

Germaniyä iñ kübe Misırğa qoral êksportlağan – barlığı 4 milliard 340 million yevro külämendä. Angela Merkel’ citäkçelegendäge êlekkege xökümät wazıyfasınnan kitär aldınnan ğına Misırğa ike qoral êksportın imzaladı. İl Yämändä grajdanlılarnı nişanğa aluı söylänüçe Soğud Ğaräbstanına yärdäm itä. Şuña kürä Misırğa qoral satu Germaniyädä bäxäslärgä säbäpçe buldı.