Törkiyä 115 ilgä çäy sattı
Älege êksport il iq'tisadına 14 million 435 meñ 902 dollar tabış kiterde
1730929
Törkiyä bıyılnıñ 10 ayında 115 ilgä çäy sattı häm annan 14 million 435 meñ 902 dollar tabış aldı.
Könçığış Qara diñgez êksportçılar assośiyäśiyäse başlıq urınbasarı Şaban Turgut bıyılnıñ 10 ayında 3 meñ 883 tonna çäy êksportlanuın belderde.
Anıñ süzlärenä qarağanda, iñ küp çäy satılğan illär, uzğan yıllardağı kebek, yänä Awrupa illäre.
Turgut qara häm yäşel çäy êksportında illär sanınıñ 115 kä citüen möhim alğarış bularaq bäyäläde.
“İlebezgä kilgän turistlar törek çäyen bik yaratıp êçälär, bu êksportqa zur öleş kertä. Kiläse çorda törek çäyennän innovaśion êşlänmälär citeşterü häm här ilneñ qullanu ğadätlärenä kürä produktlar citeşterü belän törek çäye êksportı yuğarı kürsätkeçlärgä ireşäçäk” dide ul.
