Törkiyäneñ alma êksportı küpmegä arttı?

Törkiyä yılına 4 million 300 meñ tonna alma citeşterä

1726988
Törkiyäneñ alma êksportı küpmegä arttı?

Törkiyäneñ ğıynwar-sentäbr’ aylarında alma êksportı 2020nçe yılnıñ şul uq aylarına kürä 65%ka, alma soğı êksportı isä 62%ka arttı.

Êgey êksportçı berleklärennän yasalğan açıqlawğa kürä Törkiyä yılına 4 million 300 meñ tonna alma citeşterep, dön’yada berençe öç il arasına kerde.

Törkiyäneñ alma êksportı ğıynwar-sentäbr’ çorında aldağı yılnıñ şul uq çorı belän çağıştırğanda 65%ka artıp, 78 million dollardan 129 million dollarğa kütärelde.

Alma soğı êksportı da 62%ka artıp, 86 million dollardan 139 million dollarğa citte.

Bıyıl Hindıstanğa alma êksportındağı artış iğtibarnı cälep itte.

Bu ilgä êksport 16 million dollardan 41 million 700 meñ dollarğa çıqtı.

Hindıstan iñ küp alma êksportlanğan illär isemlegendä Rusiyä Federaŝiyasen uzıp, berençe urınğa kütärelde.

Rusiyä 32 million dollarlık alma êksportı belän ikençe urında, annan soñ 13 million dollarlık êksport belän Ğıyraq bar.

Törkiyäneñ sok êksportı 9 ayda 23%lık artış belän 223 million dollardan 268 million dollarğa citte.

Alma soğı êksportı sok êksportınıñ 139 million dollarlık öleşen täşkil itte.

Alma soğı êksportında Amerika Quşma Ştatları 54 million yarım dollarlık taläp belän berençe buldı.

Törkiyädän iñ küp alma soğın importlağan ikençe il 15 million 300 meñ dollar belän Niderland buldı.

Bu ildän soñ 6 million 300 meñ dollarlık taläp belän Angliya kilä.



Bäyläneşle xäbärlär