Törkiyädän 83 ilgä çäçäk êksportı

Dekorativ üsemleklär häm êşlänmäläre tarmağı yaña tör koronavirus (Kovid-19) kizüe çorında êksportnı arttırğan sektorlar arasına kerde.

65%ı Antaliyadan buluı belän bergä İzmir, Sakar’ya, Isparta häm törle şähärlärdä üsterelgän çäçäklär çit illärdä zur qızıqsınu kürde.

Dekorativ üsemleklär häm êşlänmäläre êksportçıları berlege başlığı İsmail Yılmaz kizügä qaramastan tarmaqnıñ üsüen belderde.

Bıyıl öçen aldanraq 115 million dollar külämendä êksport maqsatın quyuların añlatuçı Yılmaz: "Bügenge kürsätkeçlärgä kürä, 125 million dollar tiräsendä êksportıbız başqarıldı. Yıl azağında 150 million dollarnı uzaçağıbıznı uylıym. Bu da êksportıbıznıñ 50-55%qa artuı dimäk”, - dip äytte.

Bigräk tä Awrupadan tığız iğ’tibar buluına iğ’tibarnı yünältüçe İsmail Yılmaz 83 ilgä çäçäk cibärülären, bolarnıñ başında Niderland, Angliya, Germaniya, Üzbäkstan, Rumıniya häm Bolgariyanıñ toruın citkerde.

Yılmaz kizü çorında häm êksport yasalğan il sanında häm dä miq’darda artu yäşänüen iskärtep uzdı.