Çaykur dön'yağa tarala

Çӓy oyışmaları ğomüm mödirlege Çaykur 93 ilgӓ paketlı hӓm salqın çӓy êksportı başqaruların belderde.

Çaykurdan yasalğan yazma açıqlawğa kürӓ citeşterelgӓn tabiğıy hӓm sawlıqlı törek çӓye dön’ya bazarına cӓyelde.

Açıqlawda tübӓndӓge yullar urın ala: “Êşlӓnmӓlӓrebez Awrupa illӓre belӓn Amerika Quşma Ştatlarınnan alıp Qıtayğa, Berlӓşkӓn Ğarӓp Ӓmirleklӓrennӓn alıp Kanadağa, Yaponiyadan alıp Yaña Zelandiyağa qadӓr barlığı 93 ilgӓ barıp ireşӓ. Paketlı çӓylӓr belӓn ber rӓttӓn salqın çӓy êksportı da çınğa aşırıla, yaña bazar êzlӓnülӓre öçen êşçӓnlek alıp barıla.”

Açıqlawda Çaykur ğomüm mödire Yosıf Ziya Alimneñ süzlӓrenӓ dӓ urın birelӓ: “Törek çӓye - östenӓ qar yawuçı hӓm başqa illӓrdӓ kürelgӓne kebek böcӓklӓr belӓn körӓşergӓ kirӓk bulmağan tabiğıy moğciza. Keşe sӓlamӓtlegenӓ faydaları fӓnni tikşerenülӓr belӓn isbatlandı. Çӓyebezne bar dön’ya saylıy. Bazardağı payıbıznı arttıru öçen êşçӓnleklӓr alıp barıla.”