Törkiyäneñ çäyen yaratuçılar arttı

Törkiyä 2021nçe yılnıñ ğıynvar-avgust çorında 110 ilgä çäy êksportladı. Annan 11 million 898 meñ 412 dollar kerem aldı.

İldän bıyılnıñ 8 ayında 3 meñ 49 tonna çäy êksportlandı.

Älege tovarnı satudan Törkiyägä iñ küp aqça kitergän illär - Bel’giyä, Germaniyä, AQŞ, Tön’yaq Kipr törek cömhüriyäte. Bel’giyä, mäsälän, 4 million 868 meñ dollarlıq çäy alğan. Germaniyä älege êçemlek öçen Törkiyägä 1 million 210 meñ dollar tülägän.

Uzğan yıldan ayırmalı bularaq, Törkiyädän çäy aluçı illär isemlegenä Êfiopiya, Litva, Xorvatiya, Daniya, Pol’şa häm Misırnı da kertep 16 däwlät östälde.