Törkiyä ciläk-cimeş häm yäşelçä êksportında rekord yasadı

Törkiyäneñ ciläk-cimeş häm yäşelçä êksportı soñğı 12 ayda 3 milliard dollar çigen uzıp rekord yasadı.

Uzğan yılnıñ ğıynvarınnan iyülenä qadär tarmaq çit illärgä 1 milliard 363 million dollarlıq tovar satqan. Ağımdağı yılnıñ şul uq çorında isä ixtiyac arttı. Törkiyäneñ ciläk-cimeş häm yäşelçä êksportı 20%qa üsep 1 milliard 638 millionğa citte.

Satıp aluçılar arasında berençelek Rusiyädä. Aña 527 million dollarlıq êksport yasaldı. Annan soñ 186 million dollar belän Germaniyä häm 141 million dollar belän Rumıniyä kilä.

Tovarlarnıñ törenä kilgändä, iñ kübe pomidor satılğan – 220 million dollarlıq. Şul uq çorda 183 million dollarlıq töçe çiyä häm 148 million dollarlıq limon êksportlanğan.