Törkiyä avtomobil' industriyäse satuların arttırdı

Avtomobil’ industriyäse Törkiyä êksportınıñ soñğı 15 yılda aldınğısı buldı. May ayında tarmaqta çitkä satular, uzğan yılnıñ şul uq çorı belän çağıştırğanda, 56,5%qa arttı häm 2 milliard dollarğa yaqın kerem kiterde.

Uludağ avtomobil’ industriyäse êksportçıları berlegennän yasalğan belderügä qarağanda, uzğan ay ciñel häm yök maşinaları, furgonnar, avtobus – vagon – midibuslar satu ikelätä arttı.

Ağımdağı yılnıñ 5 ayında isä avtomobil’ industriyäse êksportı, bıltırnıñ şul uq çorı belän çağıştırğanda, 37%qa artıp 12 milliard dollarğa citte.

Avtomobil’ industriyäseneñ iñ zur bazarı Germaniyägä mayda êksport, uzğan yılnıñ şul uq ayına qarağanda, 75%qa arttı häm 318 million dollar täşkil itte.

İkençe zur bazar Franśiyägä satu  67%qa arttı häm 241 million dollar täşkil itte.  Öçençe urında İtaliyä. Älege däwlätkä tarmaqnıñ êksportı 92%qa arttı häm 133 million dollarğa citte.