Mart ayında iñ küp êksport yasalğan il

Törkiyä êksportçılar assambleyası citkergän mäğ’lümatkä kürä, Törkiyäneñ êksportı martta uzğan yılnıñ şul uq çorına qarağanda 42,2%qa artıp, 18 milliar 985 million 472 meñ dollarğa citkän.

Törkiyäneñ şuşı çorda miq’dar nigezendä maksimal’ artuı İtaliyağa yasalğan êksportta terkälde.

İtaliyağa başqarılğan êksport mart ayında uzğan yılnıñ şul uq çorına qarağanda 421 million 675 meñ dollarğa artıp, 928 million 827 meñ dollarğa citte.

Miq’dar nigezendä êksport artuında İtaliyadan soñ Amerika Quşma Ştatları, Germaniya, Ğıyraq, Franśiya kilä.

Şuşı çorda Törkiyäneñ êksportı AQŞqa 368 million 332 meñ dollarğa artıp 1 milliard 72 million 536 meñ dolarğa, Germaniyağa 377 million 840 meñ dollar artış belän 1 milliard 537 million 882 meñ dollarğa, Ğıyraqqa 344 million 630 meñ dollarğa kütärelep 717 million 494 meñ dollarğa, Franśiyağa 298 million 714 meñ dollarğa artıp, 758 million 583 meñ dollarğa citte.

Törkiyä mart ayında iñ küp êksportnı Germaniyağa yasadı.

Germaniyadan soñ AQŞ, Böyek Britan, İtaliya häm İspaniya tora.