Berençe urında - pomidor, ikençedä - borıç...

Könbatış Urta diñgez töbägennän êksport arta bara. Bigräk tä ciläk-cimeş häm yäşelçä satu citeşterüçelärne häm êksportçılarnı söyenderä.

 Könbatış Urta diñgez êksportçılar berlege mäğ’lümatlarına qarağanda, ğıynvar-fevral’ aylarında çit illärgä yäşelçä häm ciläk-cimeş satu, uzğan yılnıñ şul uq çorı belän çağıştırğanda, 26,58%qa artqan. Kerem – 129 million dollarğa yaqın.

İñ küp êksport yasalğan däwlätlär – Germaniyä, Rusiyä, Rumıniya, Bolgariya häm Ukraina.

Tovar isemlegenä qarağanda, berençe urında – pomidor. Anı çit illärgä 38 million 285 meñ 881 dollarlıq satqannar. Uzğan yılğa qarağanda pomidor 4%qa kübräk êksportlanğan.

İkençe urında – borıç. Annan kilgän kerem – 32 million 700 meñ dollar.  Öçençedä-granat (15 million 442 meñ 651 dollar). Çit illärgä iñ küp satılğan yäşelçä hä ciläk-cimeş isemlegen qıyar däwam itä. Anı 15 million 78 meñ dollarlıq satqannar.

Bigräk tä Isparta töbägendä küp citeşterelgän alma êksportı 10 million 659 meñ dollar kerem täêmin itkän.