Törkiyӓneň ӓflisun êksportı artqan

Kovid -19 êpidemiyӓse çorında ӓlege cimeşkӓ talӓp artqan

1576509
Törkiyӓneň ӓflisun êksportı artqan

 Törkiyӓneň uzğan yılğı ӓflisun êksportı annan êlekke yıl belӓn çağıştırğanda 41 %qa artqan hӓm 129 million dollarğa citkӓn.  

Ӓgӓy êksportçılar assośiyӓśiyӓse mӓğ’lümatları buyınça, Törkiyӓneň 2019 nçı yıldağı ӓflisun êksportı 91 million 492 meň dollar bularaq terkӓlgӓn.

Uzğan yıl isӓ Kovid -19 êpidemiyӓse çorında ӓlege cimeşkӓ talӓp artu sӓbӓple êksport ta qıymmӓt cӓhӓtennӓn artqan.

2020 nçe yılda yaqınça 60 ilgӓ ӓflisun cibӓrelgӓn.

Ӓflisun êksportında berençe urında Rusiya tora. Ӓlege ilgӓ 63 million 482 meň dollar külӓmendӓ ӓflisun satılğan.

19 million 111 meň dollar belӓn Ğıyraq ikençe, 15 million 314 meň dollar belӓn Ukraina öçençe urında.



Bäyläneşle xäbärlär