Öy cihazları öçen - Kayseriğa

Törkiyäneñ älege töbäge mebel' yasawda aldınğı

1549208
Öy cihazları öçen - Kayseriğa

Törkiyäneñ öy cihazlarına ixtiyacınıñ yartısınnan artığın Kayseri töbägendäge citeşterüçelär qanäğat’länderä. Ağımdağı yılnıñ 10 ayında alar 75 tän artıq ilgä 567 million dollarlıq êksport yasağan.

Kayseri mebel’ citeşterüçelär cämğıyäte idaräse räise Mäxmät Yalçın äytüençä, Törkiyäneñ öy cihazları êksportı ğıynvar ayınnan başlap üsä başlağan. Ul Kayseridäge êşlär belän dä tanıştırdı.

“Uzğan yıl 514 million dollarlıq bulğan êksportıbız, bıyılnıñ 10 ayında 567 million dollar däräcäsenä citte. Yıl axırına qadär ul tağın 10%qa üsäçäk. Kiläse yılğa kürsätkeçne 30%qa zuraytu maqsatı quyabız,”-dide Mäxmät Yalçın.

Ul 75 tän artıq ilgä êksport yasawların, aralarında AQŞ, Germaniyä, Ğıyraq häm Rusiyä şikelle däwlätlärdän tış, Mavrikiy kebek qollaqqa bik kermägän  illär dä buluın söyläde. Kayserinıñ AQŞqa mebel’ satuı 71%qa artqan.

Yalçın dön’yadağı iñ zur kürgäzmälärneñ Törkiyädä uzuın häm bik küp ildän satıp aluçılarnın biregä kilüen citkerde. Anıñ äytüençä, Kayseri töbäge öy cihazları mäs’äläsendä üzäk xälendä.

“İñ zur marqalarnıñ 80%ı Kayserida urın ala. Monda öy cihazı ğına çığarmıylar. Alarnı citeşterüdä kiräkle êşlänmälär dä yasala,”-dide Mäxmät Yalçın.



Bäyläneşle xäbärlär