Soñğı 30 yılnıñ iñ naçar könnären kiçerüçelär

Bıyıl dön’yadağı iñ az üseş alğan illär  soñğı 30 yılnıñ iñ naçar iq’tisadi kürsätkeçlärenä iyä buldı. Bu xaqta BMOnıñ Säwdä häm üseş konferenśiyäse belderde. Anıñ “2020nçe yılğı iñ az üseş alğan illär xisabı”na qarağanda, kerem däräcäsendäge kimü, êşsezlekneñ kiñ cäyelüe häm finans defiśitınıñ üsüe älege däwlätlärdä 32 million keşene çiktän tış yarlılıqqa êtäräçäk.

Xisapta koronavirus kizüe arqasında iñ az üseş alğan illärneñ awır çor kiçerüe äytelä. Bu xäldäge 47 däwlättä 1 milliardtan artıq keşe yäşi. BMO mäğ’lümatlarına qarağanda, älege illärgä global’ tulı êçke citeşterüneñ nibarı 1,3%ı turı kilä. Xätta annan da azraq.

BMO xalıqara cämäğat’çelekne iñ az üseş alğan illärgä finans yärdäme yasarğa çaqıra.