APEC-2020 sammitı Malayziyada üz êşen başladı

Xäzerge waqıtta oyışma 21 iq’tisadnı berläşterä

1530480
APEC-2020 sammitı Malayziyada üz êşen başladı

Aziya-Tın okean iq’tisadi xezmättäşlek APEK sammitı başlandı. Bu yulı ul Malayziyada uza.

Koronavirus arqasında internet aşa oyıştırılğan açılışta Malayziya xökümäte räise Möxetdin Yasin çığış yasadı. Ul APEK däwlätläreneñ dön’yaküläm tulayım êçke produktnıñ 60%ın täêmin itüenä iğ’tibarnı cälep itte. “APEK pandemiyädän soñ dön’ya iq’tisadınıñ ternäklänüendä aldınğı rol’ uynayaçaq. Xäzerge waqıtta kiçergän qıyınlıqlar çorında bez mömkin bulğança säwdä itärgä häm investiśiyälär yasarğa tiyeş,”-dip söyli Möxetdin Yasin. Ul Kovid-19 waqıtında alıp barılğan säyäsät häm kürelgän çaralarnıñ APEK öçen tarixi wazıyfa bulaçağın assızıqladı.

Älege oyışma 1989nçı yılda Avstraliya, Bruney, Kanada, İndoneziya, Yaponiya, Malayziya, Yaña Zelandiya, Filippinnar, Singapur, Kön’yaq Koreya, Tailand häm AQŞ tarafınnan qorıldı. Forum regiondağı säwdä häm investiśiyälärne irekle qılu, iq’tisadlarnıñ integraśiyäsen täêmin itü öçen bäyläneşlärne ciñeläytüne maqsat itep quya. APEK 1991nçe yılda üzenä Qıtay, Gonkong häm Tayvan’nı qabul itte. 1993nçe yılda aña Meksika häm Papua Yaña Gvineya kerde. Çili 1994nçe yılda, Peru, Rusiyä häm V’yetnam 1998dä APEK äğ’zası buldı. Xäzerge waqıtta oyışma 21 iq’tisadnı berläşterä.



Bäyläneşle xäbärlär