İndoneziyada kibetlär franśuz tovarların satunı tuqtattı

"İq’tisadi yuğaltu kiçersäk tä, bu – möselmannar arasındağı teläktäşlekneñ kürsätkeçe,"-di indoneziyalılar

1522093
İndoneziyada kibetlär franśuz tovarların satunı tuqtattı

İndoneziyanıñ qayber kibet çeltärläre Franśiyä ilbaşı Êmmanuêl’ Makronnıñ Möxämmät päyğambärne mısqıllawçı karikaturalarnı yaqlawına häm İslamğa qarata tiskäre mönäsäbätenä reakśiyä bularaq franśuz tovarların satunı tuqtattı.  

“Basmalah şop” çeltäre Könçığış Yava häm Könbatış Kalimantan töbäklärendäge 180 kibetendä Franśiyä tovarların kiştälärdän aldı. Kompaniyäneñ mödir urınbasarı Äxmät Êdi Ami bolay dip belderä: “Makronnıñ möselmannarnıñ xislären räncetüçe süzlärenä rizasızlıq yözennän franśuz tovarların satunı tuqtatabız. İq’tisadi yuğaltu kiçersäk tä, bu – möselmannar arasındağı teläktäşlekneñ kürsätkeçe”.

Kön’yaq Sulawesi töbägendäge “212 Şaria” kooperativı räise Möxämmät Xiday Xanis üzlärenä bäyle kibetlärdä şeşäle su häm kosmetika şikelle franśuz êşlänmälären kiştälärdän aluların citkerä. Monnan tış, kibetlärneñ işege yanına häm êçke yaqta boykot belän bäyle iğ’lannar êlgännär. Xanis Franśiyä tovarların alğannan soñ buşap qalğan kiştälärgä cirle êşlänmälärne urnaştıra başlawların söyli.  

Riau töbägendäge İndragiri Xulu rayonında “İndragiri” kibete dä Franśiyä tovarların satudan baş tartuın citkerde.

Banduñ şähärendä isä Franśiyäneñ islamğa qarşı poziśiyäsenä protest belderüçe yözlärçä keşe franśuz tovarların almasqa çaqıru yasadı.



Bäyläneşle xäbärlär