Ğıyraqtan Törkiyägä taba zamança timer yulı suzıla

Ul çik buyı qapqalarındağı êş tığızlığın kimetergä tiyeş

1493989
Ğıyraqtan Törkiyägä taba zamança timer yulı suzıla

Ğıyraqnıñ tön’yağındağı Musul töbägennän Törkiyä çigenä qadär modern timer yulı salınaçaq.

Musul gubernatorı Näcim äl Cuburi Ğıyraqnıñ räsmi gazetı “Äs-Sabah”qa bu xaqta qısqaça interv’yu birde. Anıñ äytüençä, aldağı könnärdä injenerlardan tözelgän törkem törek şirkätläre yärdäme belän ike däwlät arasında zamança rel’s çeltären sala başlıy. Gubernator Musul şähär üzäge belän Törkiyä çigen totaştıraçaq timer yulnıñ çik buyı qapqasındağı êş tığızlığın kimetüne maqsat itep quyuın assızıqlıy. Ul proyektnıñ byudjetı häm bäyäse xaqında mäğ’lümat birmi.

Törkiyä belän Ğıyraq arasında säwdä häm xalıqara kiçeşlär öçen, başlıça, Xabur-İbrahim Xälil çik buyı qapqası qullanıla.

Törkiyäneñ Bağdad ilçese Fatix Yıldız fevral’ ayındağı belderüendä ike aradağı säwdä äyläneşeneñ 2019nçı yılda 15 milliard 800 million dollar tiräse buluın äytte.



Bäyläneşle xäbärlär