Törkiyädän kemnär toraq satıp ala?

Törkiyä statistika oyışması soñğı mäğ'lümatlar belän urtaqlaştı

1490996
Törkiyädän kemnär toraq satıp ala?

Törkiyädä toraq satu avgust ayında arttı. Ul yıllıq kürsätkeçlärdän 54,2%qa üsep 170 meñ 408gä citte.

Törkiyä statistika oyışması mäğ’lümatlarına qarağanda, toraq satuda berençe urında İstanbul. Anda 30 meñ 292 fatir häm yort satılğan. Bu barlıq külämneñ 17,8%ı. Annan soñ Änkara kilä. Başqalada  17 meñ 131 toraq satu terkälgän. Urnaşu öçen tağın ber populyar şähär İzmir bulıp çıqtı. Anda 11 meñ 145 berämlek öyne alğannar.

Çit il keşelärenä toraq satu avgustta, uzğan yılnıñ şul uq ayı belän çağıştırğanda, 8%qa artıp 3 meñ 893 fatir häm yort täşkil itkän. Şähärlärgä kilgändä, östenlek, şulay uq, İstanbulda. Çit il keşeläre annan 1648 toraq satıp alğan. Annan soñ Antaliya, Änkara, Märsin häm Yalova kilä.

Qaysı illärdän satıp aluçılar küp? Avgustta Törkiyädä 640 İran watandaşı toraqlı buldı. Ğıyraqlılar – 592, rusiyälelär  - 366, äfğanstanlılar – 156 häm azärbaycanlılar 154 toraq aldı.



Bäyläneşle xäbärlär