Rusiyä Törkiyä belän urtaq boralaq yasap çığarırğa äzer

Rusiyä boralaq texnologiyäläre häm alarnı yasap çığaruda Törkiyä belän xezmättäşlekkä açıq buluın belderde. Bu xaqta Rostex qul astındağı “Rusiyä boralaqları” şirkäteneñ ğomum mödire Andrey Boginskiy Mäskäwdä uzğan “Armiyä-2020” çarası waqıtında Anadolu Agentlığına söyläde.  Ul Törkiyägä yanğın belän köräşü öçen 3 danä Ka-32 boralaqları yasap tapşırıluın äytte. Älege texnika Awrupanıñ törle illärendä qullanıla.

“Bez Törkiyä belän boralaq texnologiyäläre häm anı yasap çığaruda xezmättäşlekkä açıq. Süz bazarnıñ xäle häm yasalaçaq tovarnıñ kiläçäge belän bäyle. Bu mäs’älädä xezmättäşlekne söyläşergä bez xäzer.   

Boginskiy uzğan yıl ilbaşı Räcäp Tayyip Ärdoğan belän Mäskäwdä uzğan söyläşüdän soñ Törkiyäneñ TUSAŞ şirkäte yasap çığarğan detal’lärne Rusiyädä qullana alaçaqların belderde. “Rusiyä Törkiyä belän urtaq boralaqlar citeşterü ixtimalına da uñay qarıy,”-dide ul.