Koronavirus yärdämendä Lambordjini aldı

Ber ir-at koronavirustan zarar kürgän xezmätkärläre öçen birelgän aqçağa zinnätle tormış qorıp cibärä

1463458
Koronavirus yärdämendä Lambordjini aldı

AQŞta beräw koronavirus yärdäm fondınnan birelgän aqça belän lyuks maşina satıp alğan. Bu xaqta cirle matbuğat yustiśiyä ministrlığı mäğ’lümatlarına tayanıp yaza.

29 yäş’lek Dêvid T. Xayns Kovid-19 säbäple êştän çığarularğa yul quymaw öçen birelüçe kredit yärdämennän şirkätläre öçen 3 million 900 meñ dollar aqça ala. Ul kredit öçen yazğan ğarizasında xezmätkärlärgä yasalğan tüläwläre turında yalğan mäğ’lümat birä. Kredit alıp berniçä kön ütügä, Xayns yaqınça 318 meñ dollar bäyäsendäge 2020nçe yılğı Lambordjini Xurakan avtomobilenä iyä bula.  İr-atnıñ, monnan tış, yärdäm kreditına lyuks kibetlärdä äyberlär satıp aluı häm zinnätle yal itü urınnarına kitüe açıqlana.

Dêvid T. Xaynsnı aldap aqça üzläşterü, yalğan mäğ’lümat häm qanunsız ğamäldä ğayepläp Mayami federal’ mäxkämäsenä çaqıralar. Anıñ qıybatlı maşinası belän bank xisabındağı 3 million 400 meñ dolları konfiskaśiyälänä.

Ägär ğayeple dip tabılsa, Xayns 70 yılğa qadär iregennän mäxrüm itelergä mömkin.



Bäyläneşle xäbärlär