Koronavirus kizüe êksportqa êtärgeç buldı

Törkiyäneñ Awrupağa da, Rusiyägä dä tovarlarnı ciñel iltä aluı koronavirus kizüe çorında östenlek birde.  

Uludağ ciläk-cimeş häm yäşelçä êksportyerları berlege räise urınbasarı Senih Yazgan beldergänçä, tarmaqta bıyılnıñ ğıynvar-may aylarında, uzğan yılnıñ şul uq çorı belän çağıştırğanda, 20%qa üseş küzätelä. Ul kizüneñ dön’yaküläm azıq-tölek bazarında ähämiyätle üzgäreşlär kiterep çığaruın äytep uzdı.

“Pandemiyä waqıtında keşelär kibetkä baruğa başta azıq-tölek bülegenä yul tottı. Rizıqnıñ ähämiyäten añladılar. Tulayım alğanda, ciläk-cimeş häm yäşelçägä ixtiyac zur buldı. Törkiyä moña äzer ide. Çönki geografik urını uñaylı bulğanğa Awrupağa 2-3 kön transportirovka belän telägän tovarnı bik räxätlänep iltep citkerä alu östenlege bar,”-dip söyläde Senih Yazgan.

Ul bu çorda, Üzäk Awrupadan tış, yaña bazarlarnıñ da barlıqqa kilüen citkerde.

“Ayırım alğanda, Skandinaviyä illäre soñğı yıllarda bezneñ öçen yaxşı bazarğa äwerelde. Monnan tış, ciläk-cimeş häm yäşelçä êksportlaw öçen iñ ähämiyätle bazar – Yıraq Könçığış bezneñ maqsat,”-dip urtaqlaştı belgeç.