Reno 15 meñ keşene êştän çığara

Franśiyäneñ avtomobil’ şirkäte Reno 15 meñ keşene êştän çığaraçaq. Kompaniyädän yasalğan belderügä qarağanda, kiläse 3 yıl êçendä şirkätneñ tulayım bäyäsen 2 milliard yevroğa kimetergä qarar qılınğan. Bu isä êşçe sanında qısqartular digän süz.

Belderüdä injeneriyä häm podryad oyışmaları belän başqarılğan êşlärdä çığımnarnı kimetergä maqsat itep quyuları, Rumıniyä häm Marokkoda üsü plannarınıñ isä tuqtatıluı äytelä.

2024nçe yıldan 4 million maşina yasap çığaru maqsatınıñ 3,3 millionğa töşüe dä belderelde.

Şirkät dön’yaküläm avtomobil’ bazarınıñ 4%ına iyä. Xäzerge waqıtta törle illärdäge ob’yektlarında 179 meñ keşe xezmät quya.