Sulış cihazı êksportında alröxsät şartı ğamäldän çığarıldı
Sulış cihazları häm bolarnıñ bäyläneşle materialları êksportı alröxsätkä bäyle tovarlar isemlegennän çığarıldı
1409633
Säwdä ministrlığınıñ êksportı tıyılğan häm alröxsätkä bäyle tovarlar qağidänamäsenä üzgäreşlärneñ kertelüe turındağı kürsätmä “Räsmi Gazet”ta çığıp ğamälgä kerde.
Monıñ nigezendä Mediśina cihazları qağidänamäse qısalarında bazarğa täq’dim itelgän ventilyator, kislorod caylanması häm intensiv terapiya cihazları kebek äsbaplarnıñ êksportında Törkiyä daru häm mediśina cihazı oyışmasınnan alröxsät alınuı ğamäldän çığarıldı.
Yaña tör koronavirus (Kovid-19) kizüenä qarşı xalıq sälamätlegen saqlawda häm sälamätlek saqlaw xezmätläreneñ başqarıluında möhim ixtıyac äyberläre bulğan sulış cihazları häm bäyläneşle materiallarınıñ êksportı alröxsätkä bäyle itelgän ide.
