Törkiyädä toraq satu virtual' kiñlekkä küçte

Uzğan ayda Törkiyädä çit il keşelärenä küçemsez milek satudan kerem 100 million liradan arttı.  Bu tarmaqtağı şirkätlärne wäkillek itüçe häm çit illärdä tanıtuçı cämğıyät’neñ räise Faruk Akbal beldergänçä, koronavirus kizüe säbäple mart ayınnan satularnı onlayn räweştä alıp baralar. Ul Törkiyägä kilä almawçı satıp aluçılarnı qızıqsındırunı Facetime, Zoom, Skype häm Whatsapp şikelle platformalar arqılı alıp baruların da citkerde.

“İnnovaśion fikerläw, texnologik mömkinleklär häm ilebezneñ sälamätlek saqlaw tarmağında üseşkä ireşüen qullanıp xalıqara mäydanda ixtiyac barlıqqa kilüne täêmin ittek,”-dip söyli Akbal.

Ul mart ayında 120 küçemsez milek satuçınıñ satu häm bron’laştırunı onlayn platformalar aşa tormışqa aşıruın häm 100 million liradan artıq kerem aluın da yäşermäde. Anıñ fikerençä, bu - daimi räweştä üzgärep toruçı tendenśiyälärgä Törkiyä häm şirkätlärneñ bik tiz caylaşa aluı kürsätkeçe. Kizüneñ berençe könnärennän ük çit il kliyentlarına VR küzlekläre yärdämendä dä, onlayn çaralar belän dä virtual’ turlar uzdırılğan häm satular şul yullar belän başqarılğan.