Neft' bäyäläre şogınnan çığarğa tırışalar

Bu neft’ bäyäläreneñ tarixındağı iñ zur tizlek belän töşüe ide.

1375701
Neft' bäyäläre şogınnan çığarğa tırışalar

Dön’yaküläm birjalar kiçä kisken räweştä töşkän neft’ bäyäse şogınnan aynırğa tırışa.

Qara altın êksportlawçı illär oyışması OPEK häm anıñ tışındağı neft’ çimalı çığaruçı qayber däwlätlärneñ cıyılışında citeşterüne tuqtatu qararı çığarılmaw häm qapma-qarşı belderülär, Rusiyä häm Soğud Ğaräbstanı arasında “qara altın” suğışı bularaq sıyfatlandırılırğa mömkin waqıyğalar - törle närsä kötülärne arttırdı. Bu neft’ bäyäläreneñ tarixındağı iñ zur tizlek belän töşüenä kiterde.

Qara altın kiçä 30% qıymmäten yuğaltıp 31,1 dollarğa qadär töşte. Soñınnan panika tuqtatıldı häm maxsus çaralar yärdämendä fond üzen qulğa aldı. Ber barrel’neñ bäyäse bügengä 37 dollar tiräsendä tora.

Fond bazarlarında da neft’ şogı häm koronavirusnıñ taraluı täêsirendä ênergetika tarmağı akśiyäläre asqa tägäräde.

Awrupa birjalarında neft’ häm gaz şirkätläreneñ akśiyälärendä yuğaltular 16%tan artıq. İndekslar da urtaça 8% töşte.  

Analitiklar bazardağı panika xisläreneñ taralıp betüennän soñ satıp alularnıñ köçäyüe kötelüen belderä. Ämma Kovid-19 kizüe belän bäyle xäbär ağımı kön üzägendä toruın däwam itäçäk.



Bäyläneşle xäbärlär