Törkiyä qoral importın azayttı

Törkiyä qoral importın 2015nçe-2019nçı yıllarda monnan aldağı 5 yıllıq çorğa qarağanda 48%qa azayttı.

Stokgol’m xalıqara tınıçlıq tikşerenüläre institutı xisabına kürä, Törkiyäneň qoral importındağı kimügä Törkiyäneň üz qoral industriyası ölkäsendäge alğarışlar iň möhim säbäp buldı.

Xisapka kürä, Rusiyäneň qoral êksportı soňğı 10 yılda 18% azayğan bulsa, Germaniyanıqı soňğı biş yılda monnan aldağı biş yıllıq çorğa qarağanda 17%qa arttı.

Yaqın Könçığış illäreneň qoral importı soňğı 10 yılda 61% külämendä artqan bulsa, bu soňğı 5 yıldağı global’ qoral importınıň 35%ın täşkil itä.

Soğud Ğäräbstanı soňğı 5 yılda iň zur qoral satıp aluçısı bulsa, ilneň qoral importı monnan aldağı 5 yıllıq çorğa qarağanda 130%qa arttı.

Şuşı uq çorda Hindstan iň zur ikençe, Qıtay bişençe, Berläşkän Ğaräp Ämirlekläre isä sigezençe qoral importyorı buldı.