Tramp Davosta nilär belän maqtandı

Bügen Davosta 50nçe Bötendön’ya iq’tisadi forumı başlandı

1344849
Tramp Davosta nilär belän maqtandı

AQŞ däwläte başlığı Donal’d Tramp ilendä iq’tisadi üseşneñ iskitkeç buluın söyläde. Ul Şveyśariyäneñ Davos şähärçegendä uzuçı 50nçe Bötendön’ya iq’tisadi forumında çığış yasadı. AQŞ liderı 2 yıl êlek älege çarada “böyek Amerikanıñ kire qaytuı”n başlap cibärülären söyläwen xäterlätte.

“Bügen AQŞnıñ dön’yanıñ moña qadär hiç kürelmägän şikelle iq’tisadi şartlawlar belän äyländerep alınğan xäldä buluın ğorurlanıp äytäm,”-dide Tramp.

AQŞ ilbaşı üz çığışında êşsezlekneñ rekord däräcädä tübän buluına, fond bazarındağı keremnärgä, Qıtay belän imzalanğan säwdä kileşüenä häm başqa mäs’älälärgä tuqtaldı.

“Amerika üsä, Amerika bayıy, Amerika moña qadär bulmağan qadär qazana,”-dip maqtadı ul.

Donal’d Tramp Bötendön’ya iq’tisadi forumınıñ cir yözendä 1 trillion ağaç utırtu inişiativasına AQŞnıñ quşılaçaqğın da belderde.



Bäyläneşle xäbärlär