Fiat belän Pejo häm Sitroen berläşä

İtaliyä häm Franśiyä şirkätläre quşılıp zur avtomobil' kompaniyäse tözi

1325511
Fiat belän Pejo häm Sitroen berläşä

İtaliyäneñ Fiat Kraysler avtomobil’läre şirkäte belän Franśiyäneñ Pejo häm Sitroen markalarına iyä PSA törkeme berläşergä qarar qıldı. Alar şulay itep dön’yadağı dürtençe iñ zur maşina çığaruçı kompaniyäse bulu öçen kileşülären xäbär itte.

Belderüdä äytelgänçä, global’ ülçämdä ike şirkät tä akśiyälärneñ 50%ına iyä bulaçaq.  

Texnologiyälär häm satıp alu êşçänlekläreneñ berläşterelüe yılğa 3 milliard 700 million yevro êkonomiyä täêmin itäçäk. Berläşü kerem ağımına ike yıldan soñ tögäl uñay täêsir yasıy başlar dip atala.

Quşılu näticäsendä barlıqqa kiläçäk şirkätkä älegä isem birelmägän.

Berläşü kiräkle êşçänleklär tögällängännän soñ, yäğ’ni 12-15 ay ütkäç tormışqa aşaçaq.



Bäyläneşle xäbärlär