Trampqa 2 million dollar ştraf
Ul yärdäm oyışmasın üz mänfäğat’lärendä qullanuda ğayeplände
1302443
AQŞnıñ N’yu-York şähärendä ber mäxkämä ilbaşı Donal’d Trampnı yärdäm oyışması “Tramp waqıfın” üzeneñ säyäsi häm kommerśiyä mänfäğat’lärendä qullanuı öçen 2 million dollar ştrafqa tarttı.
Sud’ya Saliann Skarpulla monıñ belän genä çiklänmi. Ul "Tramp waqıfı"nıñ yabıluı häm andağı 1 million 700 meñ dollarnıñ başqa yärdäm oyışmalarına küçerelüe xaqında da qarar çığara.
N’yu-York prokuraturası uzğan yıl yärdäm waqıfı mäs’äläsendä AQŞ ilbaşı Tramp häm ğailäsenä qarşı açqan däğ’wada 2 million 800 meñ dollar ştraf tüläwlären taläp itkän ide.
