Säwdä suğışları

Rusiyäneñ iq’tisadi üseş ministrı Maksim Oreşkin säwdä suğışlarınıñ naçar yoğıntısı turında söyläde

1250184
Säwdä suğışları

Rusiyäneñ iq’tisadi üseş ministrı Maksim Oreşkin säwdä suğışlarınıñ naçar yoğıntısın kimetü öçen Qıtay häm ğaräp däwlätläre belän tığız räweştä êşläwlären belderde. Ul Tawlı Altay şähärendä jurnalistlar qarşında çığış yasadı. Oreşkin AQŞ belän Qıtay arasında qabat oçqınlanğan säwdä suğışlarınıñ rus iq’tisadına yoğıntısına bäyä birde.

“Ber genä närsä bezneñ qulıbızda. Êçke üseşebezgä häm tışqı bazarlardağı forsatlarğa iğ’tibarıbıznı yünältü kiräk,”-dide ul.

Ministr dön’yaküläm iq’tisadtağı äkrenäyüneñ Rusiyägä yoğıntısın ciñeläytü öçen êşçänlek alıp baruların belderde. Monıñ öçen Qıtay häm ğaräp däwlätläre belän êlemtälär köçäytelgän.

Pänceşämbe könne AQŞ ilbaşı Donal’d Tramp Qıtaydan kertelgän 300 milliard dollarlıq tovarğa 10%lıq tamğaxanä salımı bilgeläwen xäbär itte. Qıtay säwdä ministrlığı isä moña cawap itep ilendäge şirkätlärneñ Amerikadan awıl-xucalığı êşlänmäläre aluınıñ waqıtlıça tuqtatıluın belderde.



Bäyläneşle xäbärlär