Törkiyä belän Gruziyä arasında täwge êksport poyezdı

Poyezd kiçä Ärzurumnan tantanalı räweştä yulğa quzğaldı

1241341
Törkiyä belän Gruziyä arasında täwge êksport poyezdı

Törkiyä belän Gruziyä arasında säfärlären başlawçı täwge êksport poyezdı kiçä Ärzurumnan tantanalı räweştä yulğa quzğaldı. Anda Törkiyä däwlät timer yulları ğomum mödire Ali İxsan Uygun häm Gruziyä timer yulları oyışması citäkçese David Peradze qatnaştı.

Ali İxsan Uygun, tantanada çığış yasap, sonğı yıllarda timer yullar tarmağınıñ tağın da zur ähämiyät qazanuın häm aña dön’ya külämendä zur investiśiyälär kertelüen söyläde. Citäkçe äytüençä, Baqı-Tbilisi-Kars timer yulı proyektın tormışqa aşıruğa ähämiyät birelgän. 2017nçe yılda xezmät itä başlağan älege liniyä buyınça bügengä qadär Törkiyä, Azärbaycan häm Qazaxstan arasında yöklär taşığannar. Xäzer isemlekkä Gruziyä dä östälde. İke ilneñ timer yul idaräläre arasında söyläşülärdän soñ 17nçe iyün’dä xezmättäşlek turında kileşü tözelä. “Uñışlar teläp ozatılğan êksport poyezdı bu kileşüneñ näticäse häm berençe cimeşe,”-dide Törkiyä timer yulları ğomum mödire Ali İxsan Uygun.  

Bu Törkiyä belän Gruziyä arasında täwge êksport poyızdı. Ul pıyala yasaw häm qorıç sänäğatendä qullanıluçı materiallar taşıyaçaq.

Peradze monıñ Gruziyä belän Törkiyä öçen tarixi kön buluın bilgeläp uzdı häm proyektqa öleşe kerüçelärgä räxmäten citkerde.



Bäyläneşle xäbärlär