Kapadokiyadan 43 million yevro kerem

Päri morcaları, tabiği qıya taşları, cirastı öyläre, butik-otel’läre häm qıya taşlarınnan uyılıp yasalğan tarixi monastır’läre belän 1985nçe yıldan birle BMO mäğarif, belem häm mädäniyät oyışması YUNESKOnıñ Dön’ya mädäniyät mirası isemlegenä kertelgän Kapadokiyağa kilgän turistlar şuşı maturlıqlarnı hawa şarı belän kük yözennän qaraw mömkinlegen taba.

Görämä cirlegennän här kön tañ atuı belän başlanuçı hawa şarı turlarında bıyıl ğinwar (ğıynvar’) ayında 11 meñ 210, fevral’dä 27 meñ 135, martta 30 meñ 972, aprel’dä 41 meñ 171, may ayında 53 meñ 365, iyün’ ayında isä 68 meñ 256 turist qatnaştı.

Bıyıl berençe altı ayda 11 meñ 814 oçış yasalğan turlar belän uzğan yılnıñ şul uq çorına qarağanda yaqınça 3%, monnan aldağı yılğa qarağanda isä yaqınça 48%lıq artu belän 232 meñ 109 keşe töbäkneñ maturlığın kük yözennän qaradı.

Töbäktäge küp sanda firma oyıştırğan häm hawa şarı kük yözendä ber säğät’ qalğan turlarda qatnaşunıñ bäyäse ber keşe öçen 170 belän 200 yevro arasında üzgärä.

İq’tisadqa ber yıllıq öleşe 2016nçı yılda 33 million, 2017nçe yılda 43 million, 2018nçe ylda isä yaqınça 70 million yevro bulğan hawa şarı turlarınnan bıyıl berençe 6 ayda yaqınça 43 million yevro kerem alındı.