Rusiyä turist sanında maqsat 7 million

Rusiyä başqalası Mäskäwdä bıyıl öçençese oyıştırılğan Törkiyä festivaleneñ Törkiyägä kiläçäk Rusiyäle turist sanınıñ artuına möhim öleş kertäçäge belderelde

1222836
Rusiyä turist sanında maqsat 7 million

Törkiyä qunaqxanäçelär federaśiyäse (TÜROFED) başlığı Osman Ayık 14nçe-16nçı iyün’ könnären aralığında oyıştırılğan festival’neñ matur atmosferada uzuın äytte.

Mädäniyät häm turizm ministrlığınıñ bulışlığı belän TÜROFED, Törkiyä säyäxät agentlıqları berlege (TÜRSAB) häm Törkiyä turizm investorları berlege (TTYD) koordinaśiyäsendä Mäskäwdä oyıştırılğan festivalneñ bıyıl öçençese uzuın añlatuçı Ayık öç kön êçendä 130 meñnän kübräk keşeneñ festival’gä kilüen assızıqladı.

Festival’neñ Rusiyädän Törkiyägä kiläçäk turist sanına möhim öleş kertäçägen belderüçe Ayık: "Törkiyäneñ bıyıl maqsatı bulğan 6 million Rusiyäle turist sanı mondıy çaralar belän 7 millionğa ireşäçäk. Moña bik ışanabız. Mondıy çaralarnıñ tuqtawsız däwam itüen telibez”, - dip äytte.



Bäyläneşle xäbärlär