Törkiyäneñ saqlanu çığımnarı artqan

Stokgol’m tınıçlıq tikşerenüläre institutınıñ “2018 nçe yılda dönyada xärbi çığımnar” isemle xisabı dönya kürde.

 Älege xisaptan kürengänçä, Törkiyä soñğı 10 yılda saqlanu tarmağı byudjıtın 65%qa arttırğan.

 Törkiyä 2018 nçe yılda saqlanu öçen iñ küp sarıf itkän 15 il arasında artış küläme cähätennän berençe urında tora.  

Global’ xärbi çığımnar 2018 nçe yılda 1 trillion 800 million dollar täşkil itkän.

Saqlanu öçen iñ küp aqça tuzdırğan illär Amerika Quşma Ştatları ,Qıtay, Soğud Ğaräbstanı ,Hindıstan häm Franśiya bulğan.

Xisapqa kürä ,saqlanu byudjetın annan êlekke yıl belän çağıştırğanda 4,6%qa arttırğan Amerika Quşma Ştatları uzğan yıl bu êşkä 649 milliard dollar birgän.

Qıtay AQŞtan soñ 250 milliard dollar belän ikençe urında tora.

Hindıstan isä bu däwerdä xärbi çığımnarın 3,1%qa arttırğan.

Soğud Ğaräbstanı, Franśiya häm Rusiya 2018 nçe yılda saqlanu byudjetların kimetkän.

Törkiyäneñ xärbi çığımnarı isä êlekke yılğa kürä 24%qa artqan häm 19 milliar dollarğa citkän.